«Тыныс» АҚ өкілдері Қазақстан Республикасының аумағында сорғы жабдықтарын өндіруді оқшаулау перспективаларын пысықтауға бағытталған ынтымақтастық аясында Мәскеу облысының Ногинск қаласында орналасқан WILO зауытының өндірістік алаңына барды. Аталған ынтымақтастық «Тыныс» АҚ, WILO Central Asia және «Тұрғын үй-коммуналдық шаруашылығын жаңғырту және дамыту орталығы» АҚ арасында жүзеге асырылуда.

Сапар барысында «Тыныс» АҚ өкілдері кәсіпорынның өндірістік қуаттарымен, сорғы жабдықтарын дайындау технологиялық үдерістерімен, өндірістік учаскелердің жұмысын ұйымдастыру тәртібімен және шығарылатын өнімнің сапасын бақылау жүйесімен танысты. Сондай-ақ өндірісте қолданылатын техникалық шешімдер мен өндірістік үдерістерді ұйымдастырудың заманауи тәсілдеріне ерекше назар аударылды.

Жұмыс кездесуі аясында тараптар одан әрі өзара іс-қимыл жасау перспективаларын, заманауи технологияларды енгізу және өнеркәсіптік кооперацияны дамыту мүмкіндіктерін, сондай-ақ Қазақстан нарығының қажеттіліктерін ескере отырып, жергілікті өндірісті ұйымдастыру тәсілдерін талқылады.

Сорғы жабдықтарын өндіруді оқшаулау отандық машина жасауды дамытудың перспективалы бағыттарының бірі болып табылады. Бұл бағыт елдің өнеркәсіптік әлеуетін нығайтуға, жаңа технологиялық құзыреттерді қалыптастыруға және қазақстандық өндіріс өнімдерінің үлесін арттыруға ықпал етеді.

Кездесу қорытындысы бойынша тараптар ынтымақтастықты одан әрі дамытуға және Қазақстан Республикасында сорғы жабдықтарын өндіруді оқшаулаудың перспективалы бағыттарын бірлесіп пысықтау жөніндегі жұмысты жалғастыруға мүдделілік білдірді.

Өнеркәсіптік ынтымақтастықты дамыту және заманауи технологияларды енгізу отандық өндірісті дамытуға және Қазақстанның өнеркәсіптік әлеуетін нығайтуға жаңа мүмкіндіктер ашады.